Precisamos redes novas...? (Actividade MMAF)

Estamos en pleno proceso de renovación e adquisición de material para EF e o resto de materias, e unha das necesidades máis evidentes na área de EF, é a de cambiar as redes das porterías de fútbol-sala.

Desta necesidade surxe a 1ª tarefa deste curso nas materias de Coñecemento e EF, e vai ser a elaboración,  en grupos de 3, dun "minidiario" (en word ou en folios), no que recollamos o proceso seguido ata o cambio das redes en cuestión. Habería que recoller polo tanto os seguintes puntos:

1. Comprobar in situ o estado das redes e o material do que están feitas. 
2. Analizar as causas do seu estado actual.
3. Valorar a posibilidade de:   a) reparalas, ou   b) mercar unhas novas.
4. En caso de optar pola opción "a", explicar como e con que materiais; e no caso de optar pola opción "b", buscar os tipos de redes que existen no mercado e continuar no punto 5.
5. Comparar prezos en distintas webs ou catálogos de empresas distribuidoras. 
6. Decidir que tipo de rede mercaríades, indicando o prezo final, e a empresa elixida para facer o pedido. (Indicar, se é posible, os prezos con IVE e gastos de transporte incluídos).
7. Colaborar co mestre no cambio das redes.
8. Aportar ideas para a reutilización das redes vellas e/ou proceder á sua reciclaxe.
9. Propoñer un código de boas prácticas para evitar un deterioro prematuro das redes.
10. Expoñer e presentar públicamente o traballo realizado (con gravación do acto de presentación na biblioteca).

Materias e/ou contidos que se traballan en cada punto do proceso:

1. Coñecemento (A materia).
2. Coñecemento (A materia e factores que a transforman).
3. Cidadanía. Educación para o consumo.
4. Cidadanía. Línguas. Informática.
5. Cidadanía. Informática. Matemáticas.
6. Cidadanía. Matemáticas.
7. Cidadanía.
8. Coñecemento. Educación para o consumo.
9. Cidadanía. Língua.
10. Língua.

FOTOS DA FASE DE COLOCACIÓN DAS REDES NOVAS NA PISTA DE CEMENTO, E DE REPARACIÓN DAS REDES VELLAS NA PISTA DE HERBA.(FEBREIRO 2014):